Веќе со месеци Ела Дворник предизвикува љубопитност кај своите следбеници на социјалните мрежи. Редовно објавува фотографии со мистериозен маж, внимавајќи неговото лице да остане скриено. Го нарече едноставно – Мештар, и со тоа само ја поттикна уште повеќе јавната љубопитност.
Во саботата, Ела реши да открие нешто повеќе и напиша подолг текст за него. Го опиша како редок и непроценлив човек, стабилен во хаосот, искрен и доследен, оној кој дава сигурност, а не собира „трофеи“.
Прашањето кое не им дава мир на нејзините фанови доби привремен одговор преку медиумите. „Загреб инфо“ објави дека мистериозниот маж е всушност загрепскиот рапер Марин Хучиќ, познат под уметничките имиња Гералт од Ривија и ГиР.
Анонимен извор за медиумите изјавил: „Да, вистина е, Ела и Марин се заедно веќе некое време. Тоа е сè што можам да кажам.“
Во меѓувреме, на профилот на Ела се редеа фотографии од Лондон – кафиња, улици, малку шопинг, но следбениците најмногу гледаа во нејзината рака. На прстот ѝ заблеска прстен, па почнаа шпекулации за свршувачка.
Хучиќ, кој кариерата ја започнал како златар, а во музиката влегол средината на 2010-тите, има издадено неколку албуми: „Загреб е Атланта“, „Равно из Ривије“, „Гоат“ и „Тестамент“. Неговите песни имаат повеќе од милион прегледи на „Јутјуб“.
Но, токму кога се чинеше дека мистеријата е решена, Хучиќ објави сторија на својот Инстаграм со дефиницијата на зборот „сингл“, а потоа додаде: „Толку за тоа. Живејте“.
Ова дополнително ги збуни фановите – дали сакаше да каже дека романса нема или пак само фрли „коска“ за љубопитните, остана неодговорено.
На бројните коментари, Ела кратко одговори: „Да се знае, тој не е јавна личност, па не му одговара експонирање. И мислам дека никому не е од животна важност таа информација. Како и да е, никој не гарантира дека ќе остане“.
