Познатиот водител Огнен Амиџиќ е во брак со неговата помлада сопруга Мина Наумовиќ, со која го има синот Перун. Во последно интервју, тој откри нови детали за почетоците на нивната врска и призна дека се заљубил во Мина уште на прв поглед.
„Почна да работи кај мене, ми ја препорача кума ми и добра пријателка, ми рече дека има една девојка која е фантастична во секој поглед. Имаше понуди од повеќе страни, но така се запознавме. Мина веднаш ме воодушеви – размислува многу брзо. И кога дојде, ѝ реков дека немаме често нови лица кај нас што знаат толку добро да фаќаат фора и веднаш да реагираат,“ раскажа Амиџиќ.
Потоа додаде:
„Со изгледот ме освои уште од првиот момент. Реков дека никогаш во животот не сум видел жена која изгледа така, и тоа во живо. Бев вчудоневиден. Може да се каже дека се заљубив веднаш. Кога сфатив дека сè е природно – останав без збор.“
Иако Огнен е речиси дваесет години постар од Мина, вели дека возраста не им претставува проблем.
„Додека се запознававме, сфатив каква личност е – како да се знаеме цел живот. Иако имаме голема разлика во години, навистина сме многу слични,“ изјави тој во емисијата „Из профила“.
