Српскиот пејач Дарко Лазиќ неодамна доби трето дете со втората официјална сопруга Катарина.
Познатата двојка речиси секојдневно со јавноста споделува моменти од семејниот дом, а бидејќи во нивното семејство се приклучи нов член – Дарко и Катарина не ја кријат среќата.
Сепак, иако досега немаше никакви проблеми во нивната врска, неодамна во медиумите стигна информација дека популарната двојка е „се поблиску до развод“ и дека Дарко наводно „има љубовница“.
Сепак, Дарко со последните објави на Инстаграм реши да стави крај на сите шпекулации и да покаже каква е навистина ситуацијата во нивниот дом.
Пејачот сподели неколку фотографии од семејниот дом, на кои може да се види како тој и неговата избраничка уживаат во времето кое го поминуваат со нивната наследничка Срна, која ја добија на 6 октомври, а со овие објави им стави до знаење на сите дека се е во најдобар ред во нивниот брак и дека наводите за развод се само озборувања.
