Цеца Ражнатовиќ неодамна објави видео од козметички салон, каде што беше на третман за лице, а многумина забележаа дека на лицето нема ни грам шминка.
Мајката на Анастасија Ражнатовиќ се снимила непосредно пред почетокот на третманот и го покажа своето природно лице, по што следеле различни коментари.
– Работиме третман со матични клетки од лосос – изјави Цеца, нагласувајќи дека ова ѝ е веќе третпат како ја користи оваа процедура.
Цеца неодамна го прослави својот 52. роденден, а многумина се изненадија од нејзините години, бидејќи полека, но сигурно влегува во шестата деценија од животот.
Пејачката отворено зборуваше за тоа како успева да ја одржи својата линија и младешкиот изглед.
– Својата линија ја доведов до совршенство, но без строги диети, без модерни инјекции и лекови како оземпик, кој стана популарен, но е навистина ризичен и штетен, особено за тироидната жлезда и панкреасот. Тоа се лекови наменети за дијабетичари и не треба да се користат без потреба. Јас едноставно одлучив дека по седум навечер не внесувам ништо освен вода. Понекогаш пијам и по едно пиво, иако ме прашуваат како тоа – пивото дебелее. Јас велам: „Мене не, мене пивото ме сака.“ И навистина, успеав да симнам 8,5 килограми за еден месец, без ниеднаш да се чувствувам гладна. Јадев сè што посакав, но најдоцна до половина осум. Потоа – ништо. Тоа ми се покажа како многу ефикасно, слично на аутофагија. Се будам околу осум, половина девет, појадувам и го активирам метаболизмот. Се трудам да тренирам, а кога не успевам, правам брзо одење на лента. Ако не се движиш – нема шанси да го забрзаш метаболизмот – изјави таа.
