Пејачката Сека Алексиќ гостуваше во подкаст каде истакна дека многу работи кои јавните личности ги објавуваат на социјалните мрежи се всушност заблуди и лаги .
„Нормално е детето три дена да носи тренерка на училиште додека не се извалка, па кога ќе се извалка – мама ја пере и пак ја суши. Не е нормално да ја менувате вашата гардероба секој ден. Тоа, деца, не е нормално. Не е нормално да гледате јавни личности кои рекламираат се и сешто, кои рекламираат прескапи производи, шминка, скапи животи, Дубаи… Не е нормално, тоа не е вистински живот“, одговори таа на „WTF“ радио.
Поради таа изјава наиде на жестока осуда од корисниците на социјалната мрежа Х, бидејќи, како што велат, прва го сторила тоа во блиското минато.
„До вчера нејзиниот Инстаграм личеше на ‘Тему’. Фолирантка“, истакна еден корисник на споменатата платформа, со која, судејќи по бројот на коментари и лајкови, многу луѓе се согласија.
Имено, на Инстаграм профилот на Сека Алексиќ може да се најдат многу објави на кои може да се види дека таа живее многу гламурозен живот.
