На 25 километри од брегот на Балочистан во Арапското Море, постои голем ненаселен остров долг 7 километри и широк 2,5 километри.
Островот Астола има бели карпи, опкружени со топла тиркизна вода. Тесната бела плажа се протега на периферијата, а на места карпите се смалуваат и откриваат скриен ентериер.
Ваквиот остров долго време беше тајна на оваа земја. Недопрен и ненаселен ги има сите туристички потенцијали, но благодарение на оддалечената локација неговата исклучителна убавина останува скриена.
За да стигнете потребни се 7 часа возење од Карачи до Пасни, пристаниште во Арапското Море на 40 километри од островот Астола. А, потоа уште 3 часа со брод.
На островот нема згради, освен стариот светилник и мала џамија. Луѓето кои го посетуваат кампуваат на плажа и нуркаат во длабокото море.
Помеѓу септември и мај Астола станува привремена база за риболовци, кои ловат јастози, ракови и остриги. Ова е идеално време за посета бидејќи има тивок ветар во текот на денот, а бојата на водата и обликот на плажата постојано се менуваат со плимата и осеката.
Водата е толку јасна, што морското дно може да се види до длабочина од околу 20 метри. Во другите месеци за време на сезоната на монсуните островот Астола станува недостапен, затоа што морето премногу бранува.
Астола претежно е лишена од вегетација. Поради недостаток на свежа вода, нема дрвја освен неколку растенија во форма на грмушки. Затоа изгледот на островот е песочен.
Водите околу островот се богати со морски животи, а песочните плажи овозможуваат живеалишта за многу видови птици и желки.
Во 2017 година, островот Астола беше прогласен за првото заштитено подрачје на Пакистан.
Во последните неколку години, островот излезе од анонимност и стана популарен кај туристите кои сакаат авантура. Неговата далечина и недостапност станаа главни адути, кои ја чекаат светлата туристичка иднина.
Во продолжение погледнете го видеото.
