Ако сè уште работите од дома и барате начин да се чувствувате продуктивно и корисно уште рано наутро, нашиот совет е да започнете со средување на креветот. Оваа мала рутина ќе ви помогне вашата спална соба секогаш да изгледа уредно, а притоа денес и ви откриваме како го наместите креветот во вашата спална соба како професионалец.
Американската дизајнерка на ентериер Шеа МекГи, која заедно со нејзиниот сопруг го основаше студиото за внатрешен дизајн „Студио МекГи“ и неодамна на Нетфликс има емисија „Dream Home Makeover“, во која советува како просторот да се направи функционален и пријатен за око, на Јутуб пред своите фанови редовно споделува трикови и совети за украсување на вашиот дом.
За време на секој проект, Мекиги многу внимава на секој детал, а истото го применува и во својот дом. Како мајка на две деца, таа многу добро знае дека организацијата е клучна за да функционира сè совршено и на работа и дома. Најдобар начин да го одржувате уредниот дом е да исчистите веднаш по себе, а таа рутина започнува со средување на креветот.
Веднаш штом ќе ги отворите очите, обидете се да ги исправите чаршавите и да ја свиткате постелнината. Ова ќе ве мотивира да бидете попродуктивни во текот на денот, и веднаш ќе се чувствувате подобро кога ќе видите како вашата спална соба автоматски изгледа поубаво.
На видеото, дизајнерката предлага три начини да го наместите креветот, што ги применува и при уредувањето на домовите на своите клиенти. Со помош на овие совети, вашиот кревет ќе изгледа како од најубавиот каталог или магазин за модерно домување.
