Невообичаена, но многу добро платена работа се нуди во Германија. Германскиот воздухопловен центар (ДЛР) во Келн бара 12 мажи и 12 жени за истражувањето кое трае 60 дена.
Од тие 60 дена, 30 одмораат во кревет, а надоместокот за учеството е 11.000 евра, пишува списанието „Феникс“.
– Но, тоа не е баш лесна заработувачка. Не е во прашање само лежење и одмор – рекла Андреа Ниче од ДЛР.
Учесниците во студијата мора да останат во кревет 30 дена континуирано, со главата која мора да биде во положба малку пониска од нозете, односно за шест степени.
– Тоа на мажите им е особено тешко – објаснува Ниче. Студијата трае вкупно 60 дена, вклучувајќи две недели аклиматизација и две недели последователна нега.
Слични истражувања веќе се спроведени во ДЛР. Тие се користат за истражување, кои контрамерки можат да се преземат против дегенеративните промени кај астронаутите.
Покрај строгиот одмор во кревет, треба да се симулираат ефектите на бестежинска состојба во вселената.
Учесниците мора да исполнат голем број барања. Тие мора да бидат на возраст меѓу 24 и 55 години, да имаат индекс на телесна маса или БМИ меѓу 19 и 30 и да бидат високи помеѓу 1,53 и 1,92 м.
Покрај тоа, апликантите треба да бидат ментално и физички подготвени и здрави.
