Меган Маркл присуствуваше на „виртуелната сцена“ на конференцијата организирана од „Girl up“, под покровителство на ООН. Таа одржа мотивирачки говор, посветен на феминизмот.
На Меган, додека беше постојан член на британското кралско семејство, не и беше дозволено да се приклучи на организации како што е ООН. Но, затоа сега може да го искаже јавно својот став.
Војвотката од Сасекс со големо задоволство ја прифатила поканата да учествува на мотивациската конференција за млади жени.
Таа се појави како еден од официјалните говорници, заедно со Мишел Обама, Хилари Клинтон и нејзината пријателка Пријанка Чопра Џонс.
– Сите кои се во позиција на моќ, од владеењето на правото до светските лидери – сите овие луѓе зависат од вас повеќе, отколку што некогаш вие ќе зависите од нив. И запомнете, тие го знаат тоа многу добро!
Меган Маркл ги охрабри младите преку нејзиниот страствен говор, а потоа рече дека клучот за успехот е секогаш сочувството, а не насилството.
– Сочувството не значи дека не треба да чувствуваме лутина и огорченост, кога ќе видиме остра неправда околу нас – секако дека треба. Но, ве предизвикувам да го проширите тоа чувство. Далај Лама вели: „Сочувството е радикализам на нашето време“ – рече 38-годишната Меган.
Таа избра син фустан за говорот пред дамите кои ја посетија конференцијата. Без многу шминка и накит, Меган се фокусираше повеќе на темата, отколку на себе и својот изглед.
Во продолжение погледнете го говорот на војвотката Маркл.
