Овие приказни се кријат зад прекарите на најпознатите светски метрополи.
Њујорк – Големото јаболко
Иако се сметаше дека овој прекар е постар, неодамнешните истражувања покажаа дека за „Големото јаболко“ е заслужен писателот Едвард Мартин, кој денешниот прекар на градот го спомнал во неговата книга „The Wayfarer of New York“. Пишувал дека граѓаните на другите градови сметаат дека Њујорчаните се арогантни и алчни, нарекувајќи ги, меѓу другото, „големи трули јаболка“.
Лондон – Стар дим
Лондон отсекогаш бил „задимено место“, но големиот смог во 1952 година во целост го оправдал овој прекар. За пет дена смогот го загадил воздухот до таа мера што убил повеќе од 4.000 луѓе!
Париз – Град на љубовта
Париз е првиот европски град кој почнал да користи јавно осветлување, а поради раскошно осветлената Ајфелова кула, често се нарекува и Град на светлината. Секако, целиот град е идеален за поминување време со партнерот, а дури и за францускиот јазик се вели дека е јазик на љубовта.
Сингапур – Лавовски град
Зборот „Сингапур“ на англиски се преведува буквално „Лавовски град“. Според легендата, основачот на градот, сер Стемфорд Рефлс, објаснил дека името го одбрал откако здогледал животно мерлион (мешавина од лав и сирена).
Амстердам – Венеција на северот
Главниот град на Холандија го сечат повеќе од 100 километри канали. Со оглед на тој факт, Амстердам често се споредува со Венеција.
Филаделфија – Град на братска љубов
Основачот на градот, Вилијам Пен, сакал да основа место каде што сите ќе можат да живеат во љубов и во слога. Ги споил двата старогрчки збора – „филос“ што значи љубов и „аделфос“, што се преведува како брат. Така Филаделфија станала град на братската љубов.
Ерусалим – Светиот град
Ерусалим има големо значење за три големи монотеистички реглигии и некои од најсветите места на сите три религии можат да се најдат токму во овој град.
Мумбај – Град на соништата
Мумбај ова име го заслужил бидејќи е најбогат град на Индија. Многумина во него одат во потрага за подобар живот, а таму е сместен и Боливуд.
Лас Вегас – Град на гревот
Градот сместен среде пустината Невада и денес е најпознат по големиот број казина, а е познат по пороците, што совршено го оправдува овој прекар.
