Членовите на холандското кралско семејство секоја година учествуваат на манифестацијата за Националниот ден на волонтерството. Оваа година особено вредна беше кралицата Максима.
Кралот Вилем-Александар и кралицата Максима волонтираа на фармата Оп Арде во Брил во провинцијата Јужна Холандија.
Оваа фарма произведува и продава храна, но нуди и секојдневни активности на старите лица со деменција.
View this post on Instagram
Заедно со вработените и волонтерите, кралот и кралицата помогнале со кастрење дрвја, брусење на клупи во градината, чистење на мебелот во куќата, но и чистење штали, каде што, судејќи по фотографиите, посебно се истакнала кралицата Максима.
Традиционалната манифестација на Националниот ден на волонтерството, минатиот викенд, се одржа по 18-ти пат, под покровителство на кралската двојка, на повеќе од 5.500 локации низ државата.
