Родена дамнешната 1880 година некаде во Германија, Валбурга „Доли“ Остерејх била заплеткана во еден од најбизарните скандали во светската историја.
Таа се омажила за богат сопственик на успешна фабрика, но бракот не ја задоволил. Поради тоа се свртела кон љубовниците.
Бизарната приказна почнува еден есенски ден во 1913 година, кога го замолила сопругот, Фред Остерејх, да испрати еден свој вработен за да ја поправи нејзината машина за шиење. Кога седумнаесетгодишниот Ото Санхубер тропнал на вратата, Доли го чекала практично гола. Машината останала недопрена, но тој судбоносен ден го означил почетокот на нивната врска, која ќе потрае со децении.
Како што во тоа време пишувакл „ЛА Тајмс“, Ото и Доли се состанувале во хотели во тајност, но наскоро почнале да се состануваат и во нејзината куќа. Висконсин во тоа време бил центар на конзервативното американско друштво и соседите почнале да се бунат поради зачестените посети на непознатото момче на омажената жена. Доли добила одлична идеја.
Ото ќе даде отказ и ќе се пресели на таванот каде што ќе можат да уживаат во нивната врска без љубопитните очи на соседите. Ото би морал да се откаже од секаков контакт со други луѓе, освен секодневното уживање со Доли. Нему тоа премногу не му пречело и наскоро почнал да живее на таванот. Во текот на вечерта ги читал книгите кои Доли му ги донесувала од книжарницата.
По пет години таен живот, Ото успеал да објави неколку романи под псевдоним, но во тој период Фред Отерејх веќе почнал да полудува. Слушал необјасниви звуци од таванот, му снемувало цигари и често гледал сенка која поминува пред вратата на спалната соба. Во 1918 година одлучил да се пресели во Лос Анџелес, не претпоставувајќи дека „сеништето“ ќе го следи.
Доли се согласила на селидба, но под услов и новата куќа исто така да има таван. Брачниот пар сè почесто се расправал и кога во 1922 година избила жестока расправија, загрижениот Ото се спуштил од таванот и го убил Фред за да ја заштити својата љубовница. Во паника, се договориле Ото да ја заклучи Доли во шкаф и да се преправаат дека некој провалил во куќата и притоа го убил Фред. Полицијата поверувала во приказната бидејќи немале причина за сомневање.
Вдовицата наследила богатство и добила слобода непречено да ужива во љубовта со Ото. Меѓутоа, продолжила да го чува на таванот, а Ото подоцна зборувал дека станал љубовен роб на Доли.
Додека тој живеел на таванот, Доли почнала да се гледа со други љубовници. Почнала афера со адвокатот Херман Шапиро и со Рој Клумб.
На Херман по грешка му подарила часовник од покојниот сопруг чие исчезнување го пријавила претходно, а Рој го замолила да се ослободи од оружјето со кое Ото го убил Фред. По една жестока кавга Рој одлучил сè да ѝ раскаже на полицијата.
Приближно во тоа време Доли му рекла на Херман дека треба да го нахрани нејзиниот полубрат кој бил на таванот. Ото бил пресреќен што првпат за десет години разговарал со некоја друга личност освен со Доли. Херман не бил воопшто задоволен што е Ото на таванот и веднаш го избркал. Исплашен, Ото побегнал во Канада.
Неколку години подоцна Херман и Доли се разишле во многу лоши односи и разочараниот адвокат сè ѝ раскажал на полицијата.
Полицијата ја уапсила и ја ставила на обвинителна клупа. На Ото му е судено во отсуство и прогласен е за виновен во отсуство, но бидејќи злосторството застарело, продолжил да живее како слободен човек.
Доли пронашла нов љубовник со кого среќно живеела следните 13 години и на крајот се венчале.
