Фолк пејачката Вики Миљковиќ (51) последниве години го живее „холивудскиот сон“. Има три стана во Белград чија вредност надминува 1.500.000 евра.
Откако ја продаде куќата на Бежанијска Коса, Вики и нејзиниот сопруг Драган Ташковиќ Ташке инвестираа во неколку имоти во елитното соседство, посветувајќи се и на препродавање станови. Како што пренесуваат српските медиуми, неодамна таа купи уште еден стан вреден 500.000 евра.
Еден од становите има и џакузи на терасата, а оние кои биле во апартманите велат дека се исклучително луксузно опремени.
Инаку, Вики често кажува колку е горда на селото од каде потекнува и каде ги поминала најубавите денови од своето детство.
Велики Вртоп, мало село со околу стотина жители, пријатно сместено во подножјето на планината Сува Планина во општина Гаџин Хан. Симпатичното село излезе во јавноста како омилено место на пејачката Вики Миљковиќ, чија мајка Зорка е по потекло од Велики Вртоп, поради што Саша Поповиќ веќе го доби прекарот Вртопка во жирито на шоуто „Ѕвездите на Гранд“.
Жителите на Велики Вртоп со гордост зборуваат за Вики Миљковиќ, сеќавајќи се дека порано доаѓала почесто, но дека во последно време, веројатно поради обврските во Белград, ретко наоѓала време да дојде и да го посети родното село на нејзината мајка, каде што како мала ги славела сите празници.
– Доаѓа еднаш или двапати годишно со семејството. Кога беше помала, доаѓаше почесто. Цениме што постојано нагласува од каде е. Ја следиме на „Ѕвездите на Гранд“ и се восхитуваме што е од нашето поднебје – рекле жителите на селото за српските медиуми.
