Синоќа, како што пишуваат српските медиуми, се одржала забава во еден бар во Дубаи, каде се појавиле многу јавни личности.
Како што е наведено, за музичкиот дел биле задолжени некои од најпознатите пејачи во Србија, Драгана Мирковиќ, Сека Алексиќ, Саша Матиќ, Андреана Чекиќ и Урош Живковиќ, кои се менувале пред микрофонот.
На ваквите прослави не се штеди бакшиш, особено кога микрофонот го зема Драгана Мирковиќ. Кога ја пееше култната песна „Зајди, зајди“, само се натрупаа банкнотите во рацете.
На прославата беше и Маша Терзиќ, ќерката на Ѕвездан Терзиќ, која ја покажа на својот Инстаграм профил, а особено уживаше во песните во изведба на Урош Живковиќ.
Според извештаите, се проценува дека оваа прослава, која започнала преку ден и траела до доцна во ноќта, чинела околу половина милион евра.
Пејачите не си заминаа со празни раце, со оглед на тоа што добиваа голем бакшиш секогаш кога пееја песни кои допираа до срцата на гостите.
