Милица Павловиќ во петокот вечерта ја запали атмосферата во македонската арена „Јане Сандански“ со одржувањето на својот прв солистички концерт во Скопје.
Пејачката направи вистински спектакл во македонската метропола за „Денот на вљубените“.
Милица се пресоблекувала неколкупати, а енергијата е она што ја прави посебна и ја издвојува од другите, што ниту овој пат во Скопје не изостана.
Сепак, овациите и врескањето на публиката ги предизвикала кога се појавила во црн фустан со топ и ја отпеала песната „Јовано, Јованке“. На сцената ѝ се придружиле саксофонистот Гоце Јанкулов и Игор Тегов и Јане Крстев на тапаните.
View this post on Instagram
Традиционалниот македонски инструмент тапан, без кој не може да се замисли речиси ниту една традиционална македонска веселба, особено свадби, ги изненади сите присутни во салата.
Сепак, посебен момент за сите бил кога Милица се качила на овој музички инструмент со вртоглаво високи потпетици, што публиката го поздрави со силно викање.
@macedonian_girl_19 #milicapavlovic #live #arenajanesandanski #skopje #makedonija #makedonijatiktok #balkan #balkantiktok #foryou #goviral #europe #fyp #explore #foryoupage #music #serbia ♬ original sound – ☆MACEDONIAN GIRL☆
Атмосферата на концертот ја вжештиле нејзините гости Цоби со кој Милица ја отпеала нивната заедничка песна „Илегала“ и македонската ѕвезда Елена Ристеска која со Милица го испеале евровизискиот хит „Нинанајна“.
Милица Павловиќ покрај големата енергија, воодушеви и со својот стајлинг, како што е костимот со циркони со кој носеше златна наметка, но и онаа со розово здолниште и жолта ѕвезда над торзото.
