Откако на Аргентина и ја донесе светската титула, Лионел Меси во својата татковина не може да ја напушти куќата без да биде опкружен со фанатични навивачи.
Тоа се покажа и синоќа во Буенос Аирес.
Меси дојде во главниот град на репрезентативен собир пред пријателските натпревари против Панама и Бразил. Секако, доаѓањето на херојот на нацијата направи шоу во главниот град на Аргентина.
Меси отишол во ресторан, а тоа го направил без помпа и придружба, обидувајќи се да биде незабележлив. Меѓутоа, кога сте толку позната личност, нема шанси да не ве препознаат фановите на улица. Така всушност започнал хаосот.
Меси истрчал, но не успеал да побегне од овие најпосветени навивачи. Обожавателите го виделе каде влегува и го чекале дури два часа пред ресторанот, пеејќи и скандирајќи во негова пофалба.
“Don Julio”:
Por la presencia de Lionel Messi en ese restaurantepic.twitter.com/8Q53dHg976— ¿Por qué es tendencia? (@porquetendencia) March 21, 2023
За тоа време ниту во ресторанот ништо не било поинаку. Кога сфатиле кој влегол, гостите и работниците во ресторанот почнале да врескаат и постојано да го сликаат легендарниот Аргентинец. Тој пак се смеел и им мавтал, но набрзо повеќе не му се смеело – кога видел каков хаос го чека надвор.
Улиците околу ресторанот биле преполни со илјадници негови обожаватели, кои трчале кон него додека тој го напуштал ресторанот.
За среќа, го спасиле неколку полицајци, кои успеале да го извлечкаат некако до неговиот автомобил, бидејќи биле свесни колку може да ескалира ситуацијата доколку не превземат нешто.
