Српскиот фолк пејач Аца Лукас во интервју за „Информер“ им ставил крај на дезинформациите кои кружат за неговото здравје. Лукас порачал кажа дека е здрав, но дека се соочил со мало воспаление.
Аца Лукас на крајот на јули годинава поради нарушено здравје заврши во Ургентниот центар во Белград. Тој тогаш имал температура над 40, но и покачен ЦРП (протеин во крвта кој реагира со растот во случај на присутен акутен воспалителен процес во организмот).
Лукас досега не сакал да зборува со медиумите за својата здравствена состојба сè досега, кога во интервјуто за „Информер“ открил дека има воспаление на простатата. Освен тоа, во јавноста кружеа гласини дека има рак, што тој сега го демантираше, велејќи дека неговите наоди се одлични, како и дека е целосно здрав.
– Имав воспаление на простатата. Скокнав во базенот каде температурата на водата беше 15 степени и потоа отидов во хотелот бидејќи таму имаше некоја журка. Потоа добив воспаление на простатата – рекол Лукас, па открил дали има некакви последици:
– Слушнав дека имам рак, но навистина немам. Сите велат дека сум болен и дека имам рак, но јас немам, за нечија жалост, а за моја среќа. Многу луѓе ми се јавија да ме прашаат дали сум добро, затоа што некој објавува некоја таква глупава приказна и потоа луѓето се загрижени. Јас сум здрав како дрен. Дали ќе се разболам, не знам. Кога имав воспаление на простатата, ги направив сите прегледи, бидејќи седум дена бев во болница и му благодарам на Господ, немам ништо. Можеби некој би сакал да имам рак, но јас го немам – рекол Лукас за „Информер“.
