Саша Матиќ призна дека му било непријатно да отпее дует со колешката Рада Манојловиќ, бидејќи текстот на песната „Мешај, мала“ му изгледал неадекватен. Рада овој пат сериозно се замери поради неговата искреност.
Рада Манојловиќ и Саша Матиќ пред 14 години ја снимија песната „Мешај, мала“, која и до ден денес е една од најбараните песни на нивните настапи. И покрај големата популарност што ја стекна, Саша не е воодушевен од текстот на песната што ја испеа со својата колешка. Пејачот призна дека му било непријатно, по сериозни балади, да ја отпее песната „Мешај, мала“ со Рада.
Очигледно ова многу ја навредило Рада, па таа рече дека не разбира зошто сите се дистанцираа од неа.
– Рада е навикната некој постојано да се дистанцира од неа. Таа е таква каква што е и никогаш не се преправала дека не е. Саша тоа никогаш не ѝ го кажал лично и затоа не ѝ е јасно зошто после толку години морал да каже дека се срамел да ја сними таа песна со неа. Таа му замери бидејќи знаеше дека не се работи само за текстот.
Песната „Мешај, мала“ денес има милионски прегледи, а Саша се потсети како едвај се согласил да ја сними.
– Луѓе мои, кога почнува таа песна на концерти, тој почеток, толку не сакав да ја отпеам поради текстот, едноставно не ја сфаќам фразата „Мешај, мала“, не знам. На женско лице, како дама, да ѝ се обраќам со „Мешај, мала“ – рече Матиќ.
