Рита Ора го напушти Лондон и побегна на село откако е воведен карантин, а нејзините нови соседи воопшто не се среќни поради тоа.
Пејачката во моментот е во Котсволдс во југозападниот дел на земјата со уште пет други лица, а резервирала сместување во куќата пред пандемијата. Таа, наводно, е со група луѓе со кои работи на својот нов албум.
Мештаните се бесни откако Рита и нејзината екипа ги избркале од јавните површини, а над главите им летале дронови.
Една жена раскажала дека телохранителите на Рита го расплакале нејзиниот син, ги бркале од јавните површини, а додека заминувале, ги следел дрон.
– Зарем таа не треба да ги следи правилата и да остане во Лондон? – се прашуваат жителите.
Рита не се нервира за нивниот гнев и наместо тоа позираше на ливада во проѕирна маица без градник.
– Таа е смртно сериозна во врска со карантинот и дава сѐ од себе за да се изолира – рекле пријателите на Рита, кои негираа дека сега ќе организира забави.
Синоќа Рита Ора беше дел од виртуелниот концерт во организација на Лејди Гага, „Еден свет, Заедно дома“.
