Ана Николиќ раскина со дечкото Немања, како што вели извор за српски „Курир“. Пејачката на почетокот на јануари објави фотографии од својот стан на кои е со мистериозен маж, а набргу потоа заедно ги улови екипата на „Папарацо лов“.
Ана не сакаше да крие колку е вљубена, па продолжи да објавува видеа и ги игнорираше тврдењата на соседите дека тој е со неа само од корист, дека таа му е спас и дека се вселил кај неа. Никој не беше задоволен од нејзиниот избор на партнер и сите предвидуваа брз крај.
Дури и пријателот на Немања за медиумите откри дека пејачката и нејзиното сега поранешно момче се запознале преку социјалните мрежи, дека веднаш кликнале, но дека не мисли дека врската ќе трае долго бидејќи имаат сличен темперамент.
Дека Ана ставила точка на врската со Немања потврди изворот за „Курир“ кој вели дека со недели не се во врска.
– Немања веќе го нема ни на картата. Ана повторно е сама и си го оди својот пат. Вози сама и не го спомнува. Се сеќавате дека пред овој дечко имала уште еден, а врската со него траела како јогурт. Не знам дали не го поднесуваат нејзиниот темперамент и начин на живот или брзо им здосадува, но знам дека повторно е слободна. Можеби насловите дека ја искористува ја наведоа малку подобро да размисли со кого е, па затоа го откачи – рекол изворот.
