Постои верување дека во текот на престапните години се случуваат големи пресврти на сите полиња. Најчесто под влијание на силната енергија се случуваат сериозни трансформации, од големи загуби до големи прилики за напредок.
Астролог Наталија Михалова открива каква ќе биде годината и во кој период треба да се помириме и да не донесуваме избрзани одлуки.
„Постои оправдано верување дека оваа година ќе биде година на големи кризи. 2020 започна со големо затемнување, кое траеше од 26 декември 2019 до 10 јануари 2020. Овој тунел со затемнување е одговорен за рамнотежата на духовните, материјалните и моралните интереси во текот на наредната година, па поради тие причини се можни болни периоди, загуби и конфликти.“
Оваа година може да се опише како сложена. Ќе постојат периоди кои се поволни за некои одлуки, но ќе има и онакви во кои е најдобро да не се прави ништо и да се дозволи природниот тек на нештата.
На пример, деновите од 24 јануари до 30 март се идеални за реализирање на работни идеи, различни проекти и преговори. Како што тврди Наталија, ова е време кога би требало да ја „зграпчите среќата“ и да го остварите она што долго сте го посакувале.
Март е одличен за усовршување и стекнување на нови знаења, како и за патувања.
Од 14 март започнува ретроградниот период и трае сè до 13 септември. Ретроградниот Јупитер го забавува решавањето на правните прашања, ги нарушува социјалните односи и генерално не е добар период за започнување на нови нешта. Избегнувајте да инвестирате во овој период, можно е да ги изгубите парите. Ова е период кога е најдобро да се посветите на духовниот развој.
Астрологот предупредува дека е можна и финансиска криза на светско ниво.
Од 13 мај до 25 јуни обрнете внимание на зборовите што му ги кажувате на вашиот партнер, бидејќи полето на љубовта ќе биде на удар.
Уште еднаш ретроградниот Јупитер стапува на сила од 14 септември до 14 ноември, кога се можни проблеми во сообраќајот.
