Вереникот на пејачката Милица Тодоровиќ , Марио Б. е уапсен во елитен кварт во Белград, потврдија од Вишиот суд во Белград.
Според информациите добиени од судот, судијата му одредил притвор на Марио Б. врз основа на Законот за меѓународна правна помош, поради потерница распишана од Интерпол по барање на хрватските власти.
– Неговиот притвор е одреден за да се води постапка за лица чија екстрадиција се бара. Во Хрватска тој е обвинет за кривични дела измама, фалсификување документи и неовластено користење на лични податоци, соопшти Вишиот суд во Белград.
Да потсетиме, Марио Б. кој е роден 1991 година и делумно ја крие врската со пејачката Милица Тодоровиќ, беше уапсен во луксузен дел на Белград, кој привлече големо внимание во јавноста. Милица, која е една година постара од својот избраник, од самиот почеток е многу дискретна за неговиот идентитет и приватниот живот.
