Ребека Лус, поранешната асистентка и наводна љубовница на Дејвид Бекам проговори за нивната наводна афера од пред 20 години и додаде дека таа не е единствената со која ја изневерил сопругата.
Во интервју за „60 минути Австралија“, Ребека инсистираше на тоа дека никогаш не лажела и дека секогаш се држела до вистината откако во 2004 година за првпат беше обвинета дека Бекам ја изневерувал сопругата Викторија со неа.
„Моето мислење е дека беше многу храбро да се оди против нив. Се држев до вистината, никогаш не претерав. Никогаш не лажев за ништо. Зошто? Затоа што отидов против најсилната, најмоќната двојка во медиумите, која ги има сите пари на светот за најдобар ПР и најдобрите адвокати“, рекла Ребека.
Таа реши повторно да проговори за оваа жешка тема откако го гледаше документарниот филм на Нетфликс за Дејвид Бекам од 2023 година, во кој тој и Викторија разговараат за споменатиот секс скандал.
„Тоа е голем дел од мојот живот, голем дел од мојот животен пат. И ако некој се обиде да ме урне или да го извалка моето име, тогаш морам да се залагам за себе. Секогаш ќе се залагам за себе”, објаснила Ребека.
„Мислев дека тоа е веќе заборавено, а потоа телефонот почна да ми ѕвони без престан. Мислев дека тој прво ќе ми се јави или барем ќе се извини. Но, она што најмногу ме изнервира беше фактот што моите тврдења ги нарече смешни. Затоа сакав да се залагам за себе и јавно да ја искажам вистината“, рече Ребека, која работеше за Бекам, додека тој играше во Реал Мадрид.
Таа денес е мажена мајка на двајца тинејџери, а во новото интервју откри дека нејзиниот шеф во тоа време бил „љубезен, грижлив и направил да се чувствувам посебно“.
Таа откри и дека Викторија била надвор од градот кога Дејвид наводно ја поканил во хотелот, додавајќи дека потоа му „попуштила“.
„Имаше нешто во начинот на кој ме гледаше. О, да го видевте само тој поглед во неговите очи, ќе ви беше прилично тешко да не правите ништо. Тој ја има таа моќна харизма, лесно може да го добие она што го сака. Тој е многу убав и мислам дека го знае тоа“, рекла Ребека, која имала 26 години во моментот кога се вмешала со него.
„Тој ми рече дека никогаш порано не го направил тоа, дека јас сум му прва. Типични клишеа, но јас се навлеков на тоа“, признава таа.
„И потоа две недели подоцна бевме на роденденската забава на Роналдо и тој дојде со убава манекенка. Беше тешка ноќ за мене, му реков дека не разбирам што се случува. Тогаш сфатив дека сум измамена“, додала таа.
Таа призна дека знае колку му е важен неговиот имиџ и дека сака и тој да почувствува болка. Но, најмногу ѝ било жал за Викторија.
„Имаше страшни приказни за мене, имаше страшни приказни за неговата сопруга. Никогаш немаше толку страшни приказни за него. Тој беше ‘златното момче’. Ништо не се промени во неговиот живот, сето тоа беше Викторија и јас сме виновни“, заклучила таа.
Ребека Лос сега живее во Норвешка, далеку од рефлекторите и ужива во планинарење, возење велосипед, вежбање јога и трчање со својот сопруг доктор.
