Пејачката Гоца Тржан и тапанарот Раша Новаковиќ повеќе од тринаесет години уживаат во хармонична врска, а љубовта ја крунисаа со брак уште во 2015 година.
Покрај музиката, славниот пар реши да се впушти и во претприемачките води. Имено, тие дошле на идеја да започнат приватен бизнис во Белград, поточно на Ада Циганлија.
Според информациите кои ги пренесоа српските медиуми, Гоца и Раша ќе отворат спа-центар, во кој клиентите и тие ќе можат да се релаксираат и одморат, пренесува „Хелоу“.
Оваа вест изненади многумина, со оглед на тоа дека парот редовно има свирки, па нејасно е како ќе вклопат приватен бизнис во сите работни обврски, а многумина се запрашаа дали оваа работа ќе влијае и на нивните примарни занимања.
