Српската НБА ѕвезда Никола Јокиќ беше во центарот на вниманието на Ол-стар натпреварот надвор од теренот, бидејќи во еден момент го допре внукот на американскиот претседател Доналд Трамп. Додека малиот Теодор (8), син на ќерката на Трамп, Иванка Трамп (43), разговараше со познатиот кошаркар Шеј Гилџус-Александер, Јокиќ му ја „сврте главата“ кон фотографите, насочувајќи му го вниманието кон тоа дека со фотоапаратите чекаат сите да позираат, пишува „Дејли мејл“.
Иванка Трамп го виде потегот на Јокиќ и му се обрати на социјалните мрежи: „Ти благодарам Јокиќ што го натера мојот Тео да слуша“, напиша Иванка Трамп.
Ivanka 👑 thank you so much for our JOKER 🃏🃏🃏Nikola Jokic MVP3 he’s brilliant with kids and 🏀on 🌎🇺🇸 pic.twitter.com/Xz0KYq1V7Z
— Ena (@Ena820278873851) February 17, 2025
Таа беше на Ол-стар со сопругот Џаред Кушнер (44), како и со нивните три деца – ќерката Арабела (13) и синовите Џозеф (11) и Теодор.
View this post on Instagram
Иванка Трамп во претходниот мандат беше близок соработник на својот татко во Белата куќа, а оваа зима, на почетокот на новиот мандат на Доналд Трамп, ужива во големите настани во Америка. Така, една недела пред Ол-стар натпреварот, беше на Супербол со својот татко.
Интересно е тоа што на тој натпревар, Доналд Трамп влезе во историјата како првиот актуелен претседател на САД кој во живо го гледал натпреварот за титулата во НФЛ.
