Српската фолк пејачка Рада Манојловиќ денеска полни 41 година, а роденденот го дочека во свој стил – насмеана, природно и во издание кое предизвика бројни реакции.
По повод 41-от роденден Рада покажа како изгледа на почетокот на петтата деценија. Пејачката објави фотографија од еден хрватски остров, на која позирала во минијатурно бело бикини и без шминка.
Рада ја покажала затегнатата фигура и препознатливиот светол тен, а бидејќи вакви фотографии не објавува често, следувале бројни реакции од нејзините следбеници.
Пејачката позирала насмеана и сосема природна, а за својот изглед и промените во тежината зборувала и порано. Едно време, во периодот кога имала неколку килограми повеќе, таа одговарала на свој карактеристичен начин на приказните дека вградила силикони.
– Единственото нешто што се зголеми се задникот и градите. Имам среќа што кога ќе се здебелам неколку килограми, над мојата идеална тежина, оди точно таму каде што треба. Слушнав приказни дека сум ставила силикони во градите и задникот, но тоа е глупост. Само се смешкам и продолжувам да јадам – рекла пејачката, која од самиот почеток на кариерата истакнувала дека е поддржувач на природниот изглед.
Рада во текот на својата кариера без задршка зборувала и за својот љубовен живот. Неодамна откри што ѝ е најважно кај еден маж и призна дека физичката привлечност игра улога, но дека џентлменското однесување е она на што особено паѓа.
– За почеток, сите мои мажи беа убави и згодни, тоа е вистина. А џентлмен… Ау, што ми направи со ова прашање. Еве, дали може да биде убав и господин, не мора да биде згоден. Мора да ми е физички привлечен, но опасно се заљубувам кога некој е господин, џентлмен – изјавила Рада Манојловиќ во емисијата „Без филтер са Сара Миа“ на телевизијата „Гранд“.
