Драгомир Депсиќ, попознат како Десингерица, веќе три години се смета за еден од најконтроверзните изведувачи на Балканот. Неговата популарност експлодираше преку ноќ, а познат е по своите енергични и честопати шокантни настапи.
Десингерица не престанува да ја изненадува јавноста ниту оваа сезона. Неговото најново појавување на сцената, овој пат во Црна Гора, каде што минатата година беа откажани некои од неговите настапи, предизвика бурни реакции.
На видеата што кружат на социјалните мрежи, можете да го видите моментот кога Десингерица во екстаза трча кон публиката, додека некои од првите редови се обидуваат да го прегрнат, да го фатат за нозе и врескаат од возбуда. Еден од најбизарните моменти се случи кога тинејџер од публиката се качи на сцената и почна да прави склекови – додека Десингерица го газеше неговиот грб со ногата.
Набргу потоа, раперот го крена обожавателот во раце и почна да прави чучњеви со него, на општо воодушевување на публиката.
Како и секој пат кога настапува Депсиќ, видеата предизвикаа лавина од коментари – од шок и осуда до воодушевување од неговата сценска лудост.
