Пејачот Дарко Лазиќ за време на гостувањето во една емисија раскажа како со месеци се лекува од еден порок. Резултатите секако се веќе видливи, но сепак нагласи дека целта му е „до 40-тата година да не вкуси капка алкохол“.
Отворајќи си ја душата, раскажа како дошло до тоа, а потоа ги откри деталите за планот што ќе се случи доколку го постигне.
– Отсекогаш ме сметале за личност која води бурен живот, не излегува од кафеана, има пороци, ова, она… Тоа беше сите претходни години, отиде во лош правец. Се случи со друштво кое воопшто не го знам… Си заминав после настапот, не знам ни каде, после вториот ден со нив, се погледнав во огледало и си реков: „Знаеш ли каде си, со кого, што правиш овде“? Дојдов дома после два дена, без динар во џеб, ми земаа сѐ што можеа. На Катарина ѝ реков: „Само да спијам, ништо не ме прашувај“ – искрен беше Дарко во „Амиџи шоу“, а потоа продолжи за тоа како побарал стручна помош веќе следниот ден.
– Следниот ден контактирав со докторот, отидов на разговор, му реков: „Имам проблем со алкохолот, со пороци, не можам сам да го спречам, во таква средина сум“. Едноставно бев презадоволен од тоа. Ми рече дека имаат терапија за тоа. Првите три месеци имав терапија, а сега, фала богу, седум месеци сум на блокатори. Целосно, целосно се исчистив. Кога си чист во главата, можеш сѐ. Ако не можете сами, има луѓе кои се експерти во тоа, кои можат да ви помогнат. Совет до сите млади, ако можам јас, можете и вие – изјави Лазиќ.
Сепак, тој не застана тука.
– Блокаторите ми поминаа, целосно се исчистив. Си поставив цел во животот. Нема да вкусам ни капка алкохол додека не наполнам 40. Па, кога ќе ми биде 40-ти роденден, ако ги постигнам сите мои цели, да обезбедам сѐ околу мене што ми треба, себе, кариерата, тогаш ќе почнам да пијам добро вино… Ми се случуваше тоа да биде во ненормални количини. Некогаш не беше толку многу, а понекогаш гледам луѓе по два дена, не знам кои се, не ги знам како се викаат. Седам во хотелската соба, ги гледам, не ги знам… На паркинг ќе ми дофрлаат: „Сакаш да одиме на ‘афтер’?“ Не знам каде ми е куќата, каде ми е колата, не знам каде паркирав, ништо – изјави пејачот за кого поддршката од сопругата била од големо значење.
