Фолк ѕвездата од Бугарија, Деси Слава ги шокираше своите обожаватели со едно од своите најискрени признанија досега, дека немала секс три години. Во емотивно интервју, пејачката откри дека свесно избрала да се фокусира на себе и на својот личен раст, наместо да скока од маж на маж, како што прават многу нејзини колешки.
„Не сум тип на личност која сака авантури за една ноќ. Тоа едноставно не е моја работа. Не барам привремени работи“, вели Деси, која во последно време изгледа поизбалансирана и позрела од кога било.
Пејачката на хитот „Мажите сакаат сè“ отворено зборуваше и за крајот на врската со нејзиниот поранешен партнер – боксерот Благој Најденов. Според неа, одлуката за раскинување дошла откако тој почнал да се појавува со неа само кога му одговарало.
„Сфатив дека не сакам таков тип маж во мојот живот. Јас сум личност која бара вистинска блискост, стабилност и почит“, сподели таа. Моментално, Деси Слава е фокусирана на својата музичка кариера, работи на нови проекти и посветува време на своите синови и внука, како и на сопствената среќа.
Љубовниот живот останува во втор план – но не затоа што нема кандидати, туку затоа што пејачката повеќе не е подготвена за компромис, пишува „ХотАрена“.
