Фолкерот Слоба Радановиќ доживеал вистинска драма на пат, откако од комбето во кое се наоѓал неговиот бенд ненадејно отпаднало тркало.
За среќа, била избегната поголема трагедија, а Радановиќ набрзо се огласил на Инстаграм и ги споделил деталите за инцидентот, видно потресен од сето она што се случило.
На една од снимките што ги објавил се гледаат членовите на бендот како по незгодата седат во багажникот на возилото и чекаат помош.
„Му благодарам на Бога и на Мајката Богородица што ми го сочуваа бендот на денешен ден!“ – напишал Радановиќ, додавајќи емотикони кои јасно покажале колку го потресол инцидентот.
Пејачот во објавата ги означил и членовите на својот бенд кои се наоѓале во возилото, со што дополнително потврдил дека сите се добро.
За среќа, благодарение на брзата реакција на возачот, но и на чиста среќа, инцидентот минал без повредени, иако ситуацијата можела да заврши многу посериозно.
Иако прилично се потресол, Слоба сепак останал присебен, а за тоа придонело и неговото искуство во различни, често и тешки животни ситуации.
Пред да стане познат и успешен, Радановиќ уште како млад работел различни тешки физички работи за да заработи џепарлак и да си помогне, не бирајќи работа – од градежништво до обезбедување.
Пејачот никогаш не го криел своето минато и отворено зборувал за тоа како го заработил својот прв денар:
„Јас како дете за џепарлак берев цреши, јаболка, истоварував шлепери со цемент и јаглен, по цел ден бев со лимарите на лимени покриви, на плус 40 степени, и тегнев лимени плочи и тули“ – раскажал Слоба во една прилика.
View this post on Instagram
