„Ова не е само за мене. Ова е за секое мало девојче што е како мене“, рече Мишел Јео додека ја примаше наградата за филмот „Сè насекаде одеднаш“.
View this post on Instagram
Во неделата на доделувањето на САГ наградите, Мишел Јео ја освои наградата за најдобра актерка во главна улога за нејзината изведба во филмот „Сè насекаде одеднаш”. Други номинирани во категоријата беа Кејт Бланшет (Tár), Виола Дејвис (The Woman King), Ана де Армас (Blonde) и Даниел Дедвилер (Till).
На својот говор за добиената награда, Мишел Јео се расплака и ненадејно опцу кажувајќи го зборот “с—-” од радост . Публиката на тоа се насмеа и ѝ даде громогласен аплауз.
“This is not just for me. This is for every little girl that looks like me,” said #MichelleYeoh as she won for Everything Everywhere All at Once at the #SAGAwards. 👏 https://t.co/iOnHP2A7Rb pic.twitter.com/uuZIkwYqfA
— People (@people) February 27, 2023
„Благодарам, благодарам, благодарам“, продолжи Јео. „Ова не е само за мене. Ова е за секое мало девојче што е како мене. Тука сме затоа што го сакаме она што го работиме и никогаш нема да престанеме да го правиме тоа затоа што најмногу ни значи. Благодарна сум за оваа награда, имајќи во предвид колку луѓе би дале сѐ за да бидат на моето место во овој момент“.
Јео претходно изјави за „Пипл” дека се надева дека публиката ќе открие работи за неа преку нејзината уметност. „Секогаш кога снимам филм, се надевам дека публиката ќе открие нешто ново за мене“, рече таа во април 2022 година.
„Она што навистина уживав да го правам во овој филм беше физичката комедија, што навистина не сум ја правела досега” – изјави Мишел Јео. Таа додаде дека се чувствува охрабрена и возбудена во овој период од нејзината кариера.
