Македонската инфлуенсерка Цеце Николова ужива во последните летни денови, а дел од атмосферата покрај базен ја сподели и со своите следбеници на социјалните мрежи.
Николова објави видео во кое самоуверено позира во впечатлив дводелен костим за капење – со розов горен дел и долен дел со зебра-дезен. Покрај нејзиното летно издание, внимание привлече и пораката испишана на видеото.
„Мојот маж го заслужува најдоброто, затоа постојам“, гласи пораката, со која Цеце на духовит начин ја истакна својата самодоверба.
View this post on Instagram
Во описот на објавата, пак, таа додаде: „Ова е премногу ‘Девица’ од моја страна“, алудирајќи на својот хороскопски знак и на високите стандарди што во астрологијата често им се припишуваат на Девиците.
Николова и претходно отворено зборуваше за самодовербата и прифаќањето на сопствениот изглед. Таа со години јавно го споделува своето искуство со алопецијата, како и патот од периодот кога ја криела состојбата до моментот кога решила да се прифати таква каква што е.
Денес таа неретко се појавува во јавноста и без перика, а преку своите објави на социјалните мрежи покажува дека убавината и самодовербата не мора да се вклопуваат во наметнатите стандарди.
