Познатиот глумец и поранешен гувернер на Калифорнија, Арнолд Шварценегер, се огласи на социјалните мрежи по руската инвазија на Украина.
„Моите мисли се со украинскиот народ. Од мене беше побарано да дадам неколку интервјуа, но верувам дека вестите треба да продолжат да се фокусираат на она што се случува на теренот – на трагедијата што ни ги скрши срцата и на храброста на украинскиот народ што нѐ инспирираше. Не сум експерт за надворешна политика, па анализата ќе им ја препуштам на попаметните од мене.
Знам како е да се расте по војна, во окупирана земја и знам дека во војната и после неа никој не победува. Сите страдаат. Војната има начин да ги разбие победниците заедно со губитниците. Имам пријатели и фанови од Украина и пријатели и фанови од Русија. Колку што знам, никој од нив не го сака ова. Се надевам дека разумот на крајот ќе надвладее и ќе стави крај на оваа непотребна војна пред да бидат уништени премногу животи. Во меѓувреме, јас сум со народот на Украина. Ја споделувам вашата тага и вашата надеж за мир. Ме инспирирате со вашата храброст и вашата хуманост во соочувањето со овој кошмар.
Господ да ве благослови“, напиша Шварценегер на Фејсбук.
