Светската популарна пејачка Селин Дион во последното интервју призна дека откако во 2022 година ѝ бил дијагностициран синдром на неизлечива вкочанета личност, зела голема количина валиум опасна по живот.
„Почнавме со два милиграма за да видиме дали ќе помогне, па 2,5, па 3, 15 и 50 – изјави Селин за списанието Пипл и додаде дека ефектот на лекот престанал толку брзо што постојано ја зголемувала дозата, за да може да оди на настап.
– Во една прилика земав 90 милиграми валиум. Можеше да биде фатално. Не ја доведев во прашање дозата затоа што не знам медицина. Мислев дека ќе биде добро. Валиумот делува неколку дена, неколку недели, а потоа престанува да делува. Не знаев дека можам да легнам и да престанам да дишам, но научив од моите грешки – прецизираше швајцарската музичка ѕвезда, која во декември 2022 година јавно објави дека боледува од синдром на вкочанета личност.
Болеста на пејачката ѝ го ограничила движењето, па не може да пее како порано, а исто така и ослабеле гласните жици, па не настапува како порано.
