Пејачот Александар Цветковиќ – Сале Тропико, во искрена исповед проговори за разводот со Јована Пајиќ, односот со нивните ќерки, како и за личните преиспитувања низ кои поминал во изминатиот период.
Говорејќи за крајот на бракот, тој истакна дека самата формална разделба не е најтешкиот дел.
„Не боли разводот. Боли моментот на изненадување, неочекуваните ситуации, можеби некоја повреда или разочарување. Тоа се работите што оставаат трага. Кога ќе дојде до развод, тоа веќе е завршена приказна“, изјави Цветковиќ.
Пејачот призна дека во еден период се преиспитувал и себеси.
„Секој човек по такви ситуации се прашува што се случило и каде погрешил. И јас во еден момент се обвинував себеси. Но, си простив и продолжив понатаму“, рече тој.
Зборувајќи за односот со нивните ќерки Хелена и Џина, Цветковиќ нагласи дека тие се неговата најголема радост и мотивација.
„Да растеш со нив е нешто прекрасно. Среќен сум што се наши деца. И покрај сè низ што поминаа, тие се стабилни, добри и ведри“, истакна пејачот.
Тој додаде дека со ќерките гради отворен однос заснован на доверба.
„Најважна е искреноста. Децата мора да знаат дека што и да се случи, прво треба да го споделат со родителите. Така се гради доверба“, рече Цветковиќ.
Во интервјуто, тој се осврна и на современите предизвици во родителството, особено влијанието на технологијата и брзиот начин на живот.
„Денес децата растат во многу побрз свет. Потребно е постојано внимание, разговор и присутност“, нагласи тој.
Цветковиќ откри дека во тешките моменти помош барал и преку разговори со стручно лице и духовник.
„Разговорите со психотерапевт и духовник се неопходни. Ми помогнаа да разберам одредени работи и да најдам мир“, изјави тој.
Пејачот додаде дека природата за него претставува место за „ресетирање“, каде успева да се поврзе со себе и да пронајде внатрешен баланс.
