Пејачката Тијана Милентијевиќ повеќепати зборувала за својот приватен живот, откривајќи дека имала проблеми со килограмите и насилството кое го доживеала од поранешниот дечко, а сега сподели нови детали од својот живот.
Тијана откри непознати детали од својот живот
Тијана зборуваше за тешкото детство и престојот во подрум. Таа призна дека не ѝ било лесно да се сети на тие моменти, но истакна дека е време за тие приказни да се раскажат.
Пејачката се присети на своето рано детство, кое не било лесно:
„Првите години од животот ги поминав во подрум кај комшиката. Родена сум 1999 година, знаеме како беше тогаш. Мајка ми загуби едно дете …“ рече Тијана во солзи.
Таа признава дека имала сериозни проблеми поради депресија:
„Не можев да излезам на бина! Дојдов да пеам и реков: ’Не можам‘“ истакна Тијана.
– „Тогаш од колегите најмногу ми помагаше Милица Тодоровиќ. Беше тука за мене, ме советуваше. Ми рекоа дека сум била под црна магија“ заклучи таа во емисијата „Претрес“.
Што кажа Тијана за критиките?
Милентијевиќ била мета на хејтери, особено поради проблемите со килограмите во претходните месеци.
Сега таа успеала да ја врати линијата, но имала потреба да се обрати до јавноста со порака која покажува дека коментарите ја допираат:
„Сè уште не се родил оној кој ќе му угоди на народот. Кога ќе се облечам провокативно, хаос коментари – вака, онака. Кога ќе се облечам умерено, коментари дека сум како баба, а имам 25 години итн. Значи никако не е добро. Кога ќе се здебелам од здравствени причини, хаос коментари, никој да праша каков проблем имам, а кога ќе ослабам, Инстаграм ми е преполн со пораки: ’Како ослабевте? Давај совет!‘ Искрено, не знам што да кажам, не е фер“ напиша Милентијевиќ.
