Почина Рој Тејлор, потврди неговото семејство.
Поранешната евровизиска ѕвезда се бореше со ретка болест, а веста за неговото заминување од овој свет ја потврди и неговото семејство преку објава на социјалните мрежи на неговата хуманитарна организација Watch Your Back MND.
„Со длабока тага сакаме да ја објавиме смртта на нашиот татко и херој Рој Тејлор. Преку неговата заразна позитивност во изминатите неколку години, тој постигна многу во борбата против MND. Беше неверојатен татко и воопшто човек, беше неверојатен музичар“, напишаа од фондацијата.
Рој Тејлор се прослави кога неговиот бенд Jump the Gun учествуваше на изборот за песна на Евровизија во 1988 година и го освои осмото место.
Тој отворено зборуваше за неговата битка со болеста на моторните неврони (MND) и објави бројни синглови за да собере средства за истражување на оваа состојба.
Инаку, болеста на моторните неврони е состојба која полека оштетува делови од нервниот систем, што доведува до слабост и губење на мускулите.
