Публиката со нетрпение го очекува продолжението на култната „Жикина династија“. Освен стандардната актерска екипа, Никола Којо, Гала Виденовиќ, Весна Чипчиќ и Владимир Петровиќ, нè очекуваат многу изненадувања и нови ликови.
Покрај Зорица Брунцлик во новиот филм ќе глуми уште една пејачка – Марина Цветковиќ Махрина.
Таа откри дека улогата ја добила благодарение на проект во кој пеела и снимила музички спот за песна на Цеца Ражнатовиќ.
-Снимав спот за песната „Пусти ме да раскинем за њом“, во која ги глумев Мерилин Монро и Џеки Кенеди, кога Огњен Предиќ и Дејан Милиќевиќ, кои го работеа спотот, решија да ми предложат да глумам во „Жикина династија“. Нивната идеја беше да пробам, бидејќи беа задоволни од глумата, и тоа е тоа“, рече пејачката.
Како што вели таа, во нејзиниот дом, гледањето на серијалот „Жикина династија“ било традиција.
-Татко ми тврди дека ја гледал „Жикина династија“ 86 пати. Не верувам во таа бројка, но не ме изненадува бидејќи гледањето на тие филмови беше празнична традиција за нас. Гледавме филмови како семејство и тато сега е горд што глумам во филмот.“
Таа открива дека нејзините колеги веднаш ја прифатиле, а ова искуство ѝ останало во убаво сеќавање.
„Ми беше нереално на снимањето. Бев воодушевена од тоа каква личност е Никола Којо, слушнав дека е прекрасен, а потоа и самата го видов тоа на снимањето – беше подготвен да ми помогне кога имав трема, беше толку природен и добар. Сега неговиот лик ми е омилен затоа што имав можност да го запознаам и да се поврзам со него“, признава Марина и додава:
„Сите беа прекрасни, снимавме една сцена 12 часа и не сакав да си одам на крајот затоа што се толку прекрасно се забавувавме“, изјави Махрина за Мондо.
