Извршниот продуцент и водител на Оскарите, Глен Вајс, во средата им изјави на новинарите дека Лејди Гага, која е номинирана за најдобра песна, „Hold My Hand“ од „Top Gun: Maverick“, нема да ја изведе песната на церемонијата.
„Ние всушност ги поканивме сите петмина номинирани. Односите ни се одлични со Лејди Гага и нејзиниот табор, но таа е среде снимање на филм во моментов, и тука ја почестуваме филмската индустрија и сѐ што е потребно за да се направи филм“.
Некои се сомневаа дека Лејди Гага нема да може да настапи поради распоредот на снимање на „Joker: Folie à Deux“, во кој глуми и Јоакин Феникс. Се очекува филмот да излезе во октомври, 2024 година.
Покрај Ријана, која во недела ќе ја изведе „Lift Me Up“ од „Black Panther: Wakanda Forever“, гледачите ќе ги видат и изведбите на песните од филмовите „Everything Everywhere All at Once“, „Tell It Like a Woman“ и “РРР.”
