Наташа Малинкова со години е дел од македонската музичка сцена. Пред неколку месеци ја промовираше песната „Vrati me u život“, проект кој носи силна емоција и важна порака за младите луѓе. Песната зборува за болката после љубовта, но и за една уште подлабока вистина – колку често се менуваме себеси за да бидеме прифатени од другите.
Сега на Инстаграм сподели неколку фотографии на кои се гледа како ужива и се разладува во базен.
– Летото е мојата сезона! Сонцето, долгите денови, дружбите под отворено небо – тоа ме полни со енергија и живот – изјави пејачката во интервју за Слободен печат.
Во истото интервју таа откри што е за неа идеален одмор.
– Идеален одмор за мене е онаму каде што ќе го исклучам телефонот, ќе дишам длабоко и ќе го слушам само гласот на природата или смеата на моите ќерки. Без стрес, без план – само добар разговор, вкусна храна, музика и блиските околу мене.
Малинкова е долги години во брак со Кире, со кого имаат две ќерки, Султана и Емилија.
– Султана и Емилија не ми се само ќерки туку вистински сојузнички, искрени критичари, советници и најдобри пријателки. Имаме отворен однос, многу споделуваме разни мислења и искуства – и тоа е моето најголемо богатство – рече Наташа.
View this post on Instagram
Наташа смета дека убавината и љубовта се тесно поврзани.
– Се трудам да се негувам, внимавам да користам поприродни производи, редовна физичка активност и многу вода. Немам строги режими, но внимавам на исхраната и сонот. И најважно – убавината доаѓа кога си задоволен со себе, кога љубиш и кога си љубен.
