Пејачката Николина Коваќ и нејзиниот сопруг Саша Капор важат за еден од најскладните брачни парови на естрадата, но пејачката отворено призна дека нивниот однос поминал низ бројни искушенија, кризи и сомнежи за изневера уште од самите почетоци.
Николина искрено откри дека во минатото му го проверувала телефонот и наоѓала разни провокативни содржини од други жени, но и дека се сомневала во неговата верност додека била бремена:
„Искрено, изморена сум од калкулации. Некогаш му го проверував телефонот и наоѓав пораки од типот ‘ми се допаѓаш’, а жени знаат да испраќаат секакви провокативни видео-снимки и фотографии. Некогаш сам ми ги покажуваше, а некогаш, како секоја жена, ќе прочачкав самата. Се сомневав дека ме изневери за време на бременоста. Ме има повредено, но му простив. Излеговме од тоа, растевме и созревавме заедно, давајќи ѝ нова шанса на нашата љубов“.
Пејачката, која за Капор се омажи на само 23 години, истакна дека бракот е исклучително комплексна заедница која бара секојдневна борба, компромис и простување. Таа заклучи дека нивниот однос опстанал благодарение на искрената љубов од младоста и дека сите препреки и лоши моменти низ годините им донеле мудрост и ја зацврстиле нивната заедница.
