Во апартманот „Zero Suite“ во хотелот „Парадизо Арт“ на Ибица, можете да преспиете без да платите, но под еден услов. Како што вели управата на хотелот, овој апартман „не е погоден за срамежливите“, бидејќи ѕидовите на просторијата се од стакло.
Освен што сите ќе можат постојано да ве гледаат, апартманот се наоѓа во лобито на хотелот, што значи дека најверојатно ќе има прилично гужва, па не се препорачува за оние со лесен сон.
View this post on Instagram
На веб-страницата на хотелот пишува дека во собата може да се преспие бесплатно една ноќ и дека е достапна за „уметнички настапи, радио емисии, диџеј-сетови“. Од хотелот додале и дека можностите се бескрајни, сè додека „сакате да бидете во центарот на вниманието“.
Хотелот „Парадизо Арт“ е изграден во 2018 година, а од тогаш постои и необичниот апартман Zero Suite.
