„Лудата недела е зад мене, нели?“, коментира познатиот пејач Џо Џонас кој прв пат се огласи јавно по веста дека се разведува од 27-годишната Софи Тарнер.
Џо и Софи цело лето живеат на различни адреси, така што веста дека тие се разведуваат која изненади многумина, не беше ништо ново за оние кои се блиски до познатата двојка.
„Само сакав да ви кажам, ако не излезе од мојата уста, не верувајте“, вели Џонас кој им се заблагодари на сите за нивната поддршка и љубов и им порача дека ги сака.
Инаку, парот се запозна во 2016 година, се венчаа три години подоцна и станаа родители на Вила (3) и уште една ќерка која се роди пред 14 месеци, чие име се уште јавно не го открија. Тие ги потврдија гласините за развод неодамна:
„После четири прекрасни години, решивме заедно да ставиме крај на нашиот брак. Има толку многу приказни и шпекулации за причините за разводот, но тоа е навистина заедничка одлука и се надеваме дека секој може да ја почитува нашата желба за приватност, за нас и децата“.
