Во интервју за CBS за претставување на седмата (и последна) сезона на Грејс и Френки, актерката зборуваше за смртта и стареењето: Имам 84 години, жива сум и работам, што друго е важно?
„Свесна сум дека сум блиску до смртта. И тоа не ме загрижува“, вели легендарната глумица Џејн Фонда .
Актерка – со два Оскара и бројни други награди, активистка, претходничка на фитнесот, убавица, има полни 84 и сè уште напорно работи (седмата сезона на Грејс и Френки се емитува на Нетфликс). Таа искрено зборуваше за тоа што значи да остариш.
„Она што ме мачи – вели таа – е што моето тело, сепак, не е мое! Моите колена не се мои, колковите не се мои, ниту моето рамо не е мое. Гледаш во некој што сум јас, само оттука нагоре (покажувајќи на лицето)“, рече актерката која во животот се соочувала со болести и операции (за кои секогаш отворено зборувала).
„Работата е во тоа што ако сте живи и релативно здрави, а сте постара личност – мислам, јас имам скоро 85 години… добро, работата е, ако сè уште сум жива и работам, леле…тоа е добро. Но кој се грижи за тоа што ги немам старите зглобови? И дали повеќе не можам да скијам, да возам велосипед или да трчам?“, продолжува таа. „Можеш да бидеш навистина стар на 60 години, а можеш да бидеш навистина млад на 85!“
Можноста да се зборува за возраста и смртта доаѓа од серијата во која Џејн Фонда (Грејс) се спријателува со Лили Томплин (Френки), откако нивните сопружници ќе се вљубат еден во друг. Средбата меѓу двете жени е почеток на дијалог за темите на животот со веселост и самоиронија – пријателство, љубов, секс, но и за самиот живот и за стареењето. Двете жени се пријателки и во реалниот живот, а заедно беа и уапсени во 2019 година на протестни демонстрации на тема климатски промени во Вашингтон.
Зборувајќи за својата напредната возраст, Џејн Фонда призна и дека не сака да се лиши од убавината на животот, иако телото повеќе не ѝ е она што било.
View this post on Instagram
