Новосадската женска група „Фрајле“ е во големи проблеми – прво со поранешната менаџерка Лидија Самарџија за името на групата, а потоа и со „Кроација рекордс“ поради барањето за авторски права, пишуваат српските медиуми.
Според хрватските медиуми во септември, на суд во Загреб, ќе се одржи првото рочиште меѓу „Фрајле“ и „Кроација рекордс“. Тие самите ќе се застапуваат на суд, за разлика од спротивната страна, која има многу адвокати.
Од ПР-службата на „Фрејле“ за српските медиуми велат дека судските случаи против „Цепелин медиа Загреб“ и „Кроација рекордс“ се само дел од борбата на групата „Фрајле“ за враќање на правата кои незаконски им беа одземени и во кои вложуваа со години и емоции и пари.
Со оглед на 14-годишната успешна кариера, девојките од „Фрајле“ ќе докажат дека само чесната работа е единствениот правилен пат по кој ќе продолжат да чекорат. Но, сепак, од „Кроација рекордс“ не одговориле на нивното прашање: „А, зошто ги тужите ‘Фрајле?“, пишуваат медиумите.
