12:08 - 19 ноември, 2026

Која е Дара — бугарската пејачка што ја освои Евровизија 2026?

Бугарија вечерва за првпат во историјата победи на Евровизија, а зад големиот триумф стои 27-годишната поп-ѕвезда Дара, која ја воодушеви Европа со песната „Bangaranga“.

Со енергичниот настап, впечатливата сценска појава и модерниот поп-звук, Дара успеа да ги освои и жирито и публиката, носејќи ѝ на Бугарија историска победа на јубилејното 70. издание на Евровизија.

Дара е родена во Варна во 1998 година, а уште како дете почнала да изучува музика и фолклорно пеење. Пошироката публика ја запозна во 2015 година, кога се појави во бугарската верзија на музичкото шоу „Икс фактор“. Иако тогаш го освои третото место, токму шоуто ѝ ја отвори вратата кон големата музичка сцена.

Фото: Инстаграм/Дара

Нејзиниот прв хит „К’во не чу“ веднаш стана една од најслушаните песни во Бугарија, а Дара за кратко време се наметна како ново лице на модерната бугарска поп-сцена.

Во годините што следуваа објави низа хитови, настапуваше на големи фестивали, освојуваше музички награди и стана една од најпопуларните млади пејачки во регионот.

Особено голем успех постигна со песната „Thunder“, која со недели беше на врвот на музичките листи, а паралелно стана и најмладиот тренер во историјата на шоуто „Гласот на Бугарија“.

Фото: Инстаграм/Дара

На Евровизија 2026 замина како голем фаворит на бугарската публика, откако победи на националниот избор. Песната „Бангаранга“ многумина ја опишаа како модерна, заразна и создадена токму за евровизиската сцена, а вечерва тоа се потврди и со победата во Виена.

Со 516 освоени поени, Дара не само што ја донесе првата евровизиска победа за Бугарија, туку стана и едно од најголемите музички имиња на Балканот во моментов.

Слични објави

(Фото) Мини фустан, корсет и поглед кон Ајфеловата кула — Мина Блажев и Луна Стефановска уживаат во Париз

К.С.

(Видео) „Македонци, ако ве немаше, ќе требаше да ве измислиме“ — Јаков Јозиновиќ воодушевен од подарокот на скопската уметница

К.С.

(Видео) Шлагот ја откри слатката тајна — Софија Манчева и Марио Јовановски го споделија полот на бебето

К.С.

Измешајте, испечете и уживајте — рецепт за мек овесен леб со свежо сирење

К.С.

Хороскоп за 19 ноември: Бикови, ќе имате среќа на секое поле

Еспресо

Ви се спие кога врне? Науката објаснува зошто звукот на дождот нè смирува

К.С.
Се вчитува....