Во понеделникот вечерта, на 5 февруари, италијанската полиција мораше да ја евакуира вилата во која беше организирана гала забава на која присуствуваа 30-тина пејачи – гости на „Санремо“, најпознатиот италијански музички фестивал. Причината за евакуацијата била анонимна дојава за бомба што ја добила полицијата, според државната телевизија РАИ.
🚨 A party in Sanremo was evacuated due to a bomb threat, with almost all #Sanremo2024 contestants present at the pre-party. The police are currently investigating the incident. pic.twitter.com/oS53oxghWl
— Festival di Sanremo (en) (@sanremo_en) February 5, 2024
Зградата била евакуирана околу 23:00 часот, а областа била опколена додека гостите се враќале во своите хотелски соби. Сепак, се покажа дека дојавата за бомбата е лажна, што предизвика голема вознемиреност кај присутните.
На 74-тото издание на Санремо, кое се одржува секоја година од 1951 година, 30 уметници ќе се натпреваруваат во текот на пет вечери од 6 до 10 февруари за победа, а оној што ќе победи ќе ја претставува Италија на Евровизија.
Овој музички фестивал има долга традиција и исклучителна популарност во Италија, привлекувајќи го вниманието и на домашната и на меѓународната публика. Уметниците се натпреваруваат за престижна награда, а фестивалот е познат и по тоа што ја започна кариерата на многу познати музички уметници.
Како што налага традицијата, победникот на престижниот италијански фестивал ќе ги претставува и брани боите на оваа земја на престижниот музички натпревар „Песна на Евровизија“.
Инаку, фудбалерот Златан Ибрахимовиќ се појави на „Санремо“ и го привлече вниманието на гледачите ширум светот, а во оваа прилика се прошета со песна на Лепа Брена „Луда за тобом“. Ова не е првпат Ибрахимовиќ да ја изненади публиката на италијанскиот фестивал со својот избор на српска музика, бидејќи пред три години, тој спектакуларно се појави на сцената со песната „Утро е“ на Нада Топчагиќ.
