Познатата македонска фолк-пејачка Соња Тарчуловска ги разнежни своите следбеници на социјалните мрежи споделувајќи фотографии од своите деца.
Соња сподели слика од синот Младен, кој годинава ја слави својата матура. На фотографијата која пејачката ја објави, Младен изгледа зрело и подготвено за новиот чекор во животот, а гордата мајка не ја криеше својата среќа, придружувајќи ја објавата со емотикони за среќа и молитви, додека во позадина одеше песната „Мојата Македонија“ од Давид Темелков.
Освен за матурантот, Соња сподели и фотографија од својата ќерка Јоана која е во основно училиште. Таа во јуни ќе наполни 11 години и е талентирана за балет. За нејзината објава, пејачката ја одбра класиката „Vienna“ од Били Џоел, симболизирајќи го текот на времето и растењето.
Соња и Јохан Тарчуловски ја имаат и најстарата ќерка Мелани која исто како и мајка ѝ е пејачка, но во поп музиката.
