Пејачката Гоца Тржан отворено проговори за своето минато, разводот и односот со поранешниот сопруг Иван Маринковиќ, со кого ја има ќерката Лена. Во гостување во подкаст, таа искрено се осврна на бракот и последиците од разделбата.
„Не, не се срамам од Иван Маринковиќ. Зошто би се срамела? Тој беше мој избор, во тој момент беше вистинскиот за мене. Од тој однос се роди Лена“, изјави Тржан, нагласувајќи дека минатото не го доживува како товар.
По разводот, Маринковиќ започна ријалити кариера и со години е дел од вакви телевизиски формати. Гоца откри дека нивната ќерка не го видела десет години, бидејќи тој најголемиот дел од времето го поминал во ријалити-програми.
„Строго им наредив на моите родители и на сите кај кои одеше Лена да не ги пуштаат тие емисии на телевизија, за да не го гледа во такво издание“, рече пејачката, додавајќи дека тој имал проблеми со алкохол и коцка.
Таа раскажа и за тежок период по разводот.
„Од бракот излегов гола како гасеница, со кредит за стан“, изјави Тржан, потенцирајќи дека сè што поминала ја направило посилна. И покрај болните искуства, вели дека е благодарна, пред сè поради ќерката. „Моето дете е неверојатно суштество – воспитано, убаво, јас ја обожавам. Му благодарам за неа и сум благодарна за сè што се случи“, заклучи пејачката.
Гоца Тржан повеќе од една деценија е во брак со Раша Новаковиќ, со кого, како што вели, денес живее мирен и исполнет живот.
