Белград синоќа бил домаќин на една од најочекуваните филмски вечери во годината, премиерата на филмот „Ѓаволот носи Прада 2“, што претставува трета светска премиера на оваа продукција.
По Њујорк и Лондон, гламурот на светската сцена се преселил во Белград, каде што модата и филмот се споиле во уникатен настан. На црвениот тепих, особено се истакнала манекенката Софија Милошевиќ, која блеснала во елегантен костум од модната куќа „Сен Лоран“ од најновата колекција.
View this post on Instagram
Софија одлично изгледала во сивиот „oversized“ костум од колекцијата „Сен Лоран“ пролет/лето 2025, дизајниран од Ентони Вакарело и прикажан на Модната недела во Париз. Иако YSL (Saint Laurent) не ги објавува цените на парчињата од пистата, врз основа на реалните пазарни цени на слични парчиња – палтото се движи од 2.500 – 4.000 евра, а панталоните од 900 – 1.500 евра.
Во некои случаи (особено ако парчето е како моделот од пистата 1:1 или „по мерка“ за познати личности), цената на костумот може да надмине 6.000-7.000 евра.
Истиот костум го носеше и американската манеканка Хејли Бибер на едно од нејзините јавни појавувања, а медиумите го опишаа како „oversized“ со силни рамена и естетика од 80-тите.
Хејли го комплетираше изгледот и со бордо вратоврска со ресни, златен накит и чантичка во слична боја како вратоврската.
View this post on Instagram
